منیلا(انٹرنیشنل ڈیسک) فلپائن میں سمندری طوفان آگاٹون کے باعث تودے گرنے سے 14 افراد ہلاک ہوگئے۔ خبررساں اداروں کے مطابق مقامی حکام نے بتایا ہے کہ ملک کے مختلف حصوں سے طوفان میں ہلاک ہونے والے افراد کی لاشیں نکال لی گئی ہیں۔ حکام کا کہنا ہے کہ متاثرہ علاقوں میں کئی افراد کے لاپتا ہونے کی اطلاعات ہیں،جن کی تلا ش کے لیے کارروائیاں جاری ہیں۔ امدادی ٹیموں نے 14لاشیں تلاش کرلی ہیں،تاہم حالات کے پیش نظر ہلاکتوں میں اضافے کا خدشہ ہے۔
