ہیوسٹن (انٹرنیشنل ڈیسک) امریکی شہر ہیوسٹن کے میئر سلوسٹر ٹرنر نے کہا ہے کہ وہ وقت دور نہیں ، جب ہم امریکی صدر کے عہدے پر ایک مسلمان کو دیکھیں گے۔میئر سلوسٹر ٹرنر کی میزبانی میں امریکا کے سب سے بڑے افطار کاانعقاد کیا گیا۔بے یو سٹی ایونٹ سینٹر میں منعقد ہونے والے افطار میں رکن اعلیٰ حکام اور غیر ملکی سفارت کاروں سمیت 2 ہزارافراد نے شرکت کی۔ انہوں نے کہا کہ امریکا کا کوئی بھی شہر اس وقت تک عظیم نہیں قرار دیا جاسکتا جب تک کی وہاں مسلمانوں کی نمایندگی نہ ہو۔
