کولمبو(انٹرنیشنل ڈیسک) سری لنکا میں شدید معاشی بحران کے بعد کولمبو اسٹاک مارکیٹ 5 روز کے لیے بند کردی گئی۔خبررساں اداروں کے مطابق حکومت نے ملک بھر میں پٹرول اسٹیشنوں کو ایندھن کی فراہمی کم کرنے کا بھی اعلان کیا ہے۔ اعلامیے میں کہا گیا کہ ہر موٹر سائیکل کے لیے ایک ہزار سری لنکن روپے کا ایندھن دیا جائے گا،جب کہ کاروں، وین اور جیپوں کے لیے 5 ہزار روپے کا ایندھن جاری کیا جائے گا۔یہ حد بسوں اور کمرشل گاڑیوں پر نافذ نہیں ہوگی۔
