کوئٹہ (آئی این پی ) وزیراعلی بلوچستان میر عبدالقدوس بزنجو نے کہا ہے کہ تعلیم اور صحت کے شعبوں میں مسیحی قوم کا کردار قابل ستائش ہے۔ ایسٹر کے موقع پر وزیراعلیٰ بلوچستان میر عبدالقدوس بزنجو نے پیغام دیتے ہوئے کہا کہ حضرت عیسیٰ علیہ سلام امن و سلامتی کا پیغام لے کر دنیا میں آئے۔ میر عبدالقدوس بزنجو نے کہا کہ مسیحی برادری ملک و قوم کی ترقی میں اپنی بھرپور خدمات سرانجام دے رہی ہے جبکہ تعلیم اور صحت کے شعبوں میں مسیحی قوم کا کردار قابل ستائش ہے۔ انہوں نے کہا کہ مسیحی قوم اپنی خوشیوں میں ان نادار اور مستحق لوگوں کو بھی شریک رکھے جو اس کی استطاعت نہیں رکھتے۔ انہوں نے مزید کہا کہ مسیحی برادری اپنی عبادات میں ملک و قوم کی ترقی و سلامتی کی خصوصی دعائیں کرے۔
