دادو:دادو کی تحصیل میہڑ اور خیرپورناتھن شاہ میں طوفان کے باعث دوگائوں میں آتشزدگی سے 4بچے جھلس کر جاں بحق اور متعدد افراد زخمی ہو گئے۔
میہڑ کے گائوں فیض محمد میں آتشزدگی سے پورا گائوں جل گیا، صالح ماچھی میں بھی پچیس گھر جل گئے، خیرپور ناتھن شاہ کے نواحی گائوں فیض محمد چانڈیو میں مٹی کے طوفان سے ایک گھر میں لگنے والی آگ نے مزیدگھروں کو لپیٹ میں لے لیا۔
حادثے میں4 بچے جاں بحق اور متعدد افراد زخمی ہوگئے، زخمیوں کو ہسپتال منتقل کردیا گیا ، واقعہ میں کئی مویشی بھی ہلاک ہوئے اور اناج بھی جل گیا۔ مقامی افراد نے اپنی مدد آپ کے تحت آگ پر قابو پالیا۔
