سکیورٹی خدشات کے پیش نظر میٹرو بس سروس بند

پنجاب ماس ٹرانزٹ اتھارٹی نے سیکیورٹی وجوہات کی بنا پر میٹرو بس اور اورنج لائن سروس کو شام 4بجے معطل کرنے کا فیصلہ کیا ہے۔ پنجاب ماس ٹرانزٹ حکام کا کہنا ہے کہ تحریک انصاف کے جلسے کے دوران سکیورٹی تھریٹ کے باعث میٹرو بس سروس اور اورنج لائن ٹرین شام 4 بجے سے رات 12 بجے تک بند رہیں گی۔ پنجاب ماس ٹرانزٹ اتھارٹی نے آفیشل پیج پر رائیڈرز کو آگاہ کردیا ہے۔ترجمان کے مطابق گجومتہ سے شاہدرہ تک میٹرو بس سروس کو معطل کیا جائے گا۔اورنج لائن ٹریک پر ٹرینوں کی آمدو رفت کو معطل کردیا جائے گا۔سیکیورٹی خدشات پر اداروں کی ایڈوائس پر اتھارٹی نے سروسز کی معطلی کا فیصلہ کیا گیا۔