لاہور: وفاقی وزیر ریلوے خواجہ سعد رفیق نے سابق دور حکومت میں پرائیویٹ سیکٹر کے حوالے دی جانے والی مسافر ٹرینوں کی نجکاری کے حوالے سے کئے گئے معاہدہ کی اسکروٹنی کرنے کا فیصلہ کیا ہے۔ ریلوے ذرائع کے مطابق وفاقی وزیر ریلوے نے معاہدے کی سکروٹنی کرنے والی 5 رکنی کمیٹی تشکیل دے دی ہے
جس میں پاکستان ریلوے کے چیف ایگزیکٹو آفیسر سمیت ریلوے کے دیگر 5 افسران شامل ہیں جو معاہدوں کی سکروٹنی کرنے کے بعد اپنی رپورٹ وفاقی وزیر ریلوے کو پیش کریں گے۔
