اسلام آباد: پاکستان تحریک انصاف کے رہنما وسابق وفاقی وزیراطلاعات فواد چوہدری نے سماجی رابطوں کی ویب سائٹ ٹوئٹر پر ٹوئٹ کرتے ہوئے کہا ہے کہ گورنرہائوس لاہورپرغیر قانونی قبضے کی سخت مذمت کرتا ہوں، صوبائی انتظامیہ نے آئین اور قانون کی صریحا خلاف ورزی کی ہے۔
فواد چوہدری نے اپنے ٹوئٹ میں کہا کہ حمزہ شہباز کا حلف فوری ختم کیا جائے تاکہ معاملات کشیدہ نہ ہوں۔علاوہ ازیں فواد چوہدری نے ایک نجی ٹی وی سے گفتگو کرتے ہوئے کہا کہ آدھی رات کو فیصلہ آیا کہ الیکشن ہوگا، چیف جسٹس نوٹس لیں، معاملے کو دیکھیں۔
جس بے دردی سے پاکستان کو زحمی کیا جا رہا ہے ہم ان کو معاف نہیں کریں گے
قوم سب کچھ دیکھ رہی ہے تاریخ میں سب کچھ لکھا جا رہا ہے کون کیا کردار ادا کر رہا ہےآج بھی سب نے دیکھ لیا کہ غیر آئینی طریقے سے بننے والے جعلی وزیرِ اعلیٰ کو کس کی سرپرستی حاصل ہے#الیکشن_کراو_پاکستان_بچاو
— Omar Sarfaraz Cheema (@OmerCheemaPTI) April 30, 2022
انہوں نے کہا کہ گورنر پنجاب نے وزیراعلی کا استعفی مسترد کردیا ہے اس سے قبل ن لیگ والوں نے بھی کہا تھا وزیراعلی کا استعفی غیرقانونی ہے، اس وقت آئینی بحران پیدا ہوگیا ہے کیا وزیراعلی، اسمبلی اور عوام کو بائی پاس کیا جاسکتا ہے۔
فواد چوہدری نے مزید کہا کہ انہوں نے گورنر ہائوس پر قبضہ کرکے نجی تقریب حلف برداری کی، ایسے مینڈیٹ اور حلف کو کون مانے گا، انٹراکورٹ اپیل کی تو پتا چلا جج صاحب نہیں ہیں، حلف کے بعد اپیل سنی جارہی ہے اس کا کیا فائدہ، ایک کیلئے 24 گھنٹے عدالتیں کھلی ہیں ایک کے لیے بند، یہ سمجھ نہیں رہے پاکستان کس بحران کے دہانے پر کھڑا ہے، لوٹوں کے کیس کو سنا نہیں جارہا جوکہ سارے مسائل کی جڑ ہے۔
فواد چوہدری نے کہا کہ کچھ کیسز کو تیزی سے سنا جارہا ہے کچھ پر فیصلے نہیں ہو رہے اور یہ سب جس طرح سے ہورہا ہے مجھے لگتا ہے کہ ہماری عدالتیں رینکنگ میں آخری نمبر پر پہنچ جائیں گی۔
