بیجنگ (انٹرنیشنل ڈیسک) چین کے صوبہ ہنان کے شہر چانگشا میں رہایشی عمارت منہدم ہوگئی۔ خبررساں اداروں کے مطابق چانگشا میں منہدم ہونے والی 8منزلہ عمارت میں ہوٹل اور سنیما گھر بھی موجود تھا۔ چانگشا کے میئر نے بتایا کہ امدادی کارروائیوں کے دوران 23 افراد کو بحفاظت نکال لیا گیا،جب کہ 39 لاپتا افراد کو ملبے میں تلاش کیا جارہا ہے۔ حکام کی جانب سے فوری طور پر کسی ہلاکت کی تصدیق نہیں کی گئی۔ واقعے کی اطلاع ملتے ہی فائربریگیڈ اور امدادی اداروں کے اہل کاروں نے فوری طور پر جائے وقوع پر پہنچ کر کارروائی شروع کردی۔
