لندن(جسارت نیوز)انگلش کائونٹی چمپئن شپ میں مڈل سیکس نے لیسٹر شائر کو 10 وکٹوں سے شکست دے دی، چار روزہ میچ کے تیسرے روز لیسٹر شائر کی ٹیم اپنی دوسری اننگز میں 272 رنز بنا کر آئوٹ ہو گئی، بین مائیک نے 99 رنز کی ناقابل شکست اننگز کھیلی، مڈل سیکس کی طرف سے شاہین شاہ آفریدی اور ٹوبی رولانڈ جونز نے 3۔3کھلاڑیوں کو آئوٹ کیا۔ جواب میں مڈل سیکس نے 52 رنز کا آسان ہدف بغیر کسی نقصان کے حاصل کر لیا، مارک سٹونمین 30 اور سیم روبنسن 22 رنز بنا کر نمایاں رہے۔ واضح رہے کہ لیسٹر شائر کی ٹیم اپنی پہلی اننگز میں 149 رنز بناکر آئوٹ ہو گئی تھی جس کے جواب میں مڈل سیکس نے 370 رنز بنائے تھے۔
