لاہور(مانیٹرنگ ڈیسک)گورنر پنجاب عمر سرفراز چیمہ کا کہنا ہے کہ جعلی غیر آئینی وزیراعلیٰ نے صوبے کو اباجی کی وراثت سمجھ رکھا ہے۔ایک بیان میں گورنر پنجاب نے کہا کہ آئین اور قانون پر عملدرآمد کروانا اکیلے میری نہیں ہر وفاقی اور صوبائی آئینی ادارے کی ذمہ داری ہے۔عمر سرفراز چیمہ کا کہنا تھا کہ تاریخ گواہی دے گی کہ کون اس سسلین مافیا کے سامنے ڈٹ گئے اور کون سجدہ ریز ہوئے۔گورنر پنجاب کا کہنا تھا کہ جعلی غیر آئینی وزیراعلیٰ نے بڑے صوبے کو اباجی کی وراثت سمجھ رکھا ہے۔یاد رہے کہ گورنر پنجاب عمر سرفراز چیمہ نے چند روز قبل عثمان بزدار کا استعفا مسترد کرتے ہوئے انہیں دوبارہ عہدے پر بحال کر دیا تھا اور بعد ازاں انہوں نے صدر پاکستان ڈاکٹر عارف علوی سے رابطہ کر کے کہا تھا کہ گورنر ہاؤس پر پولیس کی مدد سے غنڈوں نے قبضہ کر لیا ہے۔
