راولپنڈی:وزیراعلیٰ پنجاب حمزہ شہباز کا دورہ راولپنڈی سرکاری و نجی مصروفیات کے باعث ملتوی کر دیا گیا۔
وزیراعلیٰ نے آر آئی سی، آر آئی یو اور بے نظیر بھٹو ہسپتال کا دورہ کرنا تھا، وزیراعلیٰ کا میٹرو بس ایلیویٹڈ ٹریک کے معائنہ کے لیے چاندنی چوک سے صدر تک میٹرو بس میں سفر کا بھی پلان تھااسکے علاوہ وزیراعلیٰ کے متوقع دورے کے لیے پولیس نے گزشتہ رات سے ہی سکیورٹی ہائی الرٹ رکھی ہوئی تھی، انہوں نے دورے کے بعد کمشنر آفس میں اعلیٰ سطح کی میٹنگ میں بھی شرکت کرنا تھی۔
ضلعی انتظامیہ، آئیسکو، پولیس، صحت، سوئی گیس سمیت تمام محکموں کے افسران کو بھی دفاتر میں موجود رہنے کی ہدایت کی گئی تھی۔
وزیر اعلیٰ پنجاب کا دورہ ملتوی ہونے کی اطلاع پر متعلقہ اداروں کے عملے کو ریلیکس کر دیا گیا۔
