کھڈرو(نمائندہ جسارت) کھڈرو ریلوے پھاٹک کے قریب دو ٹریکٹر ٹکرا گئے ، زخمی ڈرائیور نازک حالت میں اسپتال منتقل۔ سانگھڑ نواب شاہ روڈ کھڈرو ریلوے پھاٹک کے قریب دو مختلف سمتوں سے آنے والے ٹریکٹروں کی دوبدو زور دار ٹکر کے نتیجے میں دو افراد ڈرائیور موسیٰ پٹھان اور ڈرائیور بھورو بھیل سخت زخمی ہوگئے جنہیں نازک حالت میں نوابشاہ اسپتال منتقل کیا گیا ہے ۔ڈرائیور موسیٰ پٹھان شاہ پور چاکر چودگی کے رہائشی جبکہ بھیل ڈراِئیور گوٹھ کامل مگسی کا بتایا جاتا ہے۔
