ریاض (انٹرنیشنل ڈیسک) سعودی عرب کے صوبے شرقیہ کے علاقے مجمع ظہران میں شاپنگ مال میں آگ بھڑک اٹھی۔ خبررساں اداروں کے مطابق شہر کے معروف شاپنگ مال کے 3بڑے دروازے آگ کی لپیٹ میں آگئے۔ اطلاع ملتے ہی شہری دفاع کی ٹیموں نے فوری طور پر کارروائی کی اور جائے وقوع پر پہنچ کر آگ بجھانے کی کوششیں شروع کر دیں۔ مقامی حکام کا کہنا ہے کہ آگ شاپنگ مال کی چھت میں لگے انسولیٹرز میں لگی۔ واقعے میں کوئی جانی نقصان نہیں ہوا۔ سوشل میڈیا پر جائے وقوع سے دھواں اٹھنے کی تصاویر بھی وائرل ہوئی ہیں۔
