لاہور:محکمہ انسداد دہشتگردی(سی ٹی ڈی) نے پنجاب بھر میں کارروائیاں کرتے ہوئے 4 دہشتگردوں کو گرفتار کرلیا۔
ترجمان محکمہ انسداد دہشتگردی (سی ٹی ڈی) کے مطابق صوبے کے مختلف اضلاع میں انٹیلی جنس آپریشنز کئے گئے، اس دوران 18 آپریشنز میں متعدد مشتبہ افراد سے پوچھ گچھ کی گئی۔
ترجمان نے بتایا کہ انٹیلی جنس آپریشنز میں 4 دہشتگردوں کو گرفتار کیا گیا جن کے قبضے سے دھماکاخیز مواد، آئی ای ڈی، فیوز اور ڈیٹونیٹر برآمد کئے گئے۔
ترجمان کے مطابق گزشتہ 7 روز میں سرچ آپریشن کیدوران 59 مشتبہ افراد کو حراست میں لے کر 48 کے خلاف مقدمات درج کیے گئے۔
