دنیا بھر میں عجائب گھروں کا عالمی دن ’’ انٹر نیشنل میوزیم ڈے ‘‘ آج منایا گیا اس دن کے منانے کا مقصد دنیا بھر کی عوام کو اپنی تہذیب وثقافت اور ماضی کی تاریخ کو محفوظ بنانے کے متعلق شعور پیدا کرنا ہے۔
دنیا بھر کے عجائب گھروںکی تنظیم انٹر نیشنل کونسل آف میوزیم نے 1978ء سے آج انٹر نیشنل میوزیم ڈے منانے کا اعلان کیا تھا جس کے بعد اب تک آج دنیا بھر میں عجائب گھروں کا عالمی دن منایا جاتا ہے۔
دنیا بھر کی طرح پاکستان کے شہر لاہور میں بھی دنیا کا قدیم ترین عجائب گھر موجود ہے جس کی تاریخ ڈیڑھ سو سال پرانی ہے اس عجائب گھر میں گندھاراآرٹ اور مصوری کے نادر نمونے موجود ہیں۔ پاکستان میں لاہور میوزیم کے علاوہ ہڑپہ، ٹیکسلا، کراچی کے عجائب گھر بھی قابل ذکر ہیں۔
