لاہور:وفاقی وزیر قانون سینیٹر اعظم نذیر تارڑ نے کہا ہے کہ وزیراعلی پنجاب مستعفی نہیں ہو رہے نہ ہی انہیں کوئی ہٹا سکتا ہے،حمزہ شہباز شریف اپنی آئینی مدت پوری کریں گے۔
گفتگو کرتے ہوئے انہوں نے کہا کہ ایوان میں (ن) لیگ کے 165 ، 7 پیپلز پارٹی، 4 آزاد اور 1 راہ حق پارٹی کارکن شامل ہے اور یہ تعداد 177 بنتی ہے ۔ایوان میں مسلم لیگ (ن) اور اتحادیوں کی اکثریت ہے ۔ انہوں نے کہا کہ نامزد گورنر بلیغ الرحمن سے چیف جسٹس لاہور ہائیکورٹ یکم جون کوحلف لے لیں گے۔ انہوں نے کہا کہ وفاقی حکومت بھی اپنی آئینی مدت پوری کرے گی۔
