الجزائر سٹی (انٹرنیشنل ڈیسک) سعودی وزیر خارجہ شہزادہ فیصل بن فرحان نے الجزائری ہم منصب رمطان عمامرہ کے ساتھ ملاقات کی۔ الجزائر میں ہونے والی یہ ملاقات دونوں ممالک کے درمیان سیاسی مشاورت کمیٹی کے تیسرے اجلاس کے سلسلے میں ہوئی۔ الجزائری وزارت خارجہ کی جانب سے جاری بیان میں بتایا گیا کہ سیاسی مشاورت کمیٹی کے اجلاس میں مختلف شعبوں میں دو طرفہ خصوصی تعلقات کا جائزہ لیا جائے گا۔ اس کے علاوہ ان تعلقات کو مضبوط بنانے کے راستوں پر غور کیا جائے گا۔
