نئی دہلی (انٹرنیشنل ڈیسک) بھارتی کانگریس کے رہنما نوجوت سنگھ سدھو کو 1988 ء کے کیس میں ایک سال قید کی سزا سنادی گئی۔ ذرائع ابلاغ کے مطابق 27 دسمبر 1988 ء کو سدھو نے گرنام سنگھ نامی شخص کے سر پر مکّامارا تھا جس سے وہ مر گیا تھا۔ اس سے قبل بھارتی سپریم کورٹ نے سدھو پر جرمانہ عائد کرکے انہیں رہا کردیا تھا، تاہم اس حوالے سے ہلاک ہونے والے شخص کے خاندان نے نظرثانی درخواست دائر کی تھی، جس میں ان کو سزا سنائی گئی ہے۔ دوسری جانب سدھو کا اپنے دفاع میں کہنا ہے کہ اس بات کا کوئی ثبوت نہیں ہے کہ گرنام سنگھ کی موت مکا لگنے سے ہوئی تھی۔
