شام کے حوالے سے18 واں آستانہ اجلاس 14 تا 16 جون کے درمیان قازقستان کے دارالحکومت نور سلطان میں منعقد ہوگا۔
قازق وزارت خارجہ کے ترجمان ایبک سمادی یاروف نے بتایا کہ شامی بحران کے حل کے لیے ترکی،روس،ایران کے ہمراہ یہ اجلاس اگلے ماہ منعقد ہوگا جس کے لیے اس وقت ضامن اور مبصر ممالک کی شرکت کی منظوری کےلیے امورجاری ہیں۔
اس سلسلے کا آخری اجلاس 21 تا22 دسمبر 2021 کو ہوا تھا جس میں شام کی صورت حال ،انسانی امداد کی فراہمی،جنیوا میں واقع شامی دستور ساز کمیٹی کے امور کا دوبارہ آغاز،قیدیوں کے تبادلے اور یرغمالیوں کی بازیابی سمیت گمشدہ افرادکی تلاش جیسے امور شامل تھے۔
