سینئر صحافی اور معروف انگریزی اخبار ’دی نیوز‘ کے ایڈیٹر طلعت اسلم کراچی میں انتقال کر گئے۔ مرحوم کی عمر 67 سال تھی۔ دہائیوں پر محیط صحافتی کیریئر میں انہوں نے متعدد انگریزی اخباروں اور میگزینز میں بحیثیت صحافی اور ایڈیٹر کام کیا۔
ان کی موت پر متعدد پاکستانی صحافیوں اور سیاستدانوں نے افسوس کا اظہار کیا ہے۔ وزیراعظم شہباز شریف نے سینئر صحافی طلعت اسلم کی وفات پر گہرے رنج وغم کا اظہار کیا ہے۔ اپنے تعزیتی پیغام میں وزیراعظم نے مرحوم طلعت اسلم کی آزادی صحافت، اقلیتوں اور حقوق نسواں کی عوامی آگاہی کیلئے خدمات کو خراج عقیدت پیش کرتے ہوئے سوگوار خاندان سے ہمدردی کا اظہار کیا ہے۔
Feels like heart 💔will burst with grief upon hearing that old friend, veteran journalist @titojourno just passed away.He was the kindest, funniest,wittiest, warmest soul in the whole world. His life was never easy, but he always bore all with a smile. May u be smiling now Tito pic.twitter.com/LseJFYNCKV
— SenatorSherryRehman (@sherryrehman) May 25, 2022
وزیراعلیٰ پنجاب حمزہ شہباز نے سینئر صحافی طلعت اسلم کے انتقال پر دکھ کا اظہار کرتے ہوئے سوگوار خاندان سے دلی ہمدردی کا اظہار کیا ہے۔ وزیراعلیٰ کے دفتر سے جاری بیان میں حمزہ شہباز کو صحافت کے شعبے میں گراں قدر خدمات پر خراج تحسین پیش کیا گیا۔
وزیراعلیٰ نے کہا کہ طلعت اسلم کی وفات صحافت کا ناقابل تلافی نقصان ہے اور ان کے انتقال سے پیدا ہونے والا خلا کبھی پر نہیں ہو سکتا۔
Sad news. May Allah rest the soul of Talat Aslam in peace. My condolences to Imran Aslam and his friends family https://t.co/VcDvf9jzZi
— Hamid Mir (@HamidMirPAK) May 25, 2022
وزیر برائے موسمیاتی تبدیلی شیری رحمان نے ایک ٹویٹ میں سینئر صحافی کی موت پر افسوس کرتے ہوئے کہا کہ انہوں نے طلعت اسلم کے ساتھ انگریزی میگزین ’ہیرلڈ‘ میں کام کیا تھا اور وہ ان کے دوست تھے۔
ہیومن رائٹس کمیشن آف پاکستان نے طلعت اسلم کی موت پر افسوس کا اظہار کرتے ہوئے کہا کہ انہیں ہمیشہ یاد رکھا جائے گا۔
صحافی سبوخ سید نے ایک ٹویٹ میں لکھا ’طلعت اسلم صاحب نے 67 برس کی عمر گزاری، سیکھنے سکھانے میں ان کا کوئی مماثل نہیں تھا۔
HRCP is deeply saddened to hear that senior journalist Talat Aslam @titojourno has passed away. He will be remembered for his wit and warmth, and for mentoring scores of young journalists. Our deepest condolences to his family, friends and @thenews_intl colleagues.
— Human Rights Commission of Pakistan (@HRCP87) May 25, 2022
