کراچی:سابق گورنر سندھ عمران اسماعیل کی کراچی میں اساتذہ کے احتجاج پر پولیس گردی کی مذمت کرتے ہوئے کہاہے کہ اساتذہ پر پولیس کے لاٹھی چارج اور گرفتاریوں کی مذمت کرتا ہوں۔ایک بیان میں انہوں نے کہا کہ سندھ میں حقوق کے لیے احتجاج کرنا بھی ڈکٹیٹر حکومت کو پسند نہیں۔
سندھ میں کسی طبقے کا بھی فرد حق مانگنے پر پولیس گردی کے ذریعے کچلا جاتا ہے۔انہوں نے کہا کہ سندھ حکومت کے وزیر اگر تعلیم یافتہ ہوتے تو اساتذہ کی عزت کا خیال رکھتے۔تحریک انصاف اساتذہ کے جائز مطالبات میں ان کے ساتھ کھڑی ہے۔
