پشاور )سپورٹس رپورٹر( حیات آباد اسپورٹس کمپلیکس میں کھیلی جانے والی پہلی پشاور اوپن تائیکوانڈو چیمپئن شپ کا اختتام ہوگیا۔ چیمپئن شپ میں پشاور گرین اور پشاور بلیو کے علاوہ ضلع خیبر‘ چارسدہ‘ نوشہرہ‘ مردان‘ ضلع مہمند اور صوابی کی ٹیموں نے شرکت کی جس میں مجموعی طور پر تین سو سے زائد کھلاڑیوں نے جن میں کیڈٹس‘ جونیئر ویٹ کیٹگری اور سینئر ویٹ کیٹگری شامل تھے نے حصہ لیا۔ چیمپئن شپ کے اختتام پر مہمان خصوصی خیبر پختونخوا اولمپک ایسوسی ایشن کے سیکرٹری جنرل ذوالفقار بٹ‘ پاکستان تائیکوانڈو فیڈریشن کے وویمن ونگ کی سیکرٹری جنرل میڈیم صبا شمیم جدون اور خیبر پختونخوا اسپورٹس رائٹرز ایسوسی ایشن کے صدر عاصم شیراز نے کامیاب کھلاڑیوں میڈلز پہنائے اور سرٹیفکیٹس ایوارڈ کئے۔ مجموعی طور پر پہلی پوزیشن ضلع پشاور‘ دوسری پوزیشن ضلع مردان اور تیسری پوزیشن ضلع خیبر کے کھلاڑیوں نے حاصل کی۔ میڈلز جیتنے والے کھلاڑیوں میں منفی 25 ویٹ میں مردان کے سیفی نے گولڈ‘ پشاور کے ہشام نے سلور او ر صوابی کے فیصل نے براؤنز میڈل‘ منفی 30 ویٹ کیٹگری میں مردان نے شایان نے گولڈ‘ پشاور کے آیان نے سلور اور خیبر نے رؤف نے براؤنز میڈل حاصل کیا۔
