کابل: افغانستان کو انسانی ہمدردی کے تحت دی جانے والی نقد رقم میں سے مزید 3 کروڑ 20 لاکھ امریکی ڈالرز موصول ہوگئے ہیں۔ مرکزی بینک دا افغانستان بینک نے ایک اعلامیہ میں کہا ہے کہ ملک کو انسانی نقد امداد کے طور پر منگل کو 3 کروڑ 20 لاکھ امریکی ڈالرز موصول ہوئے جسے ایک تجارتی بینک میں منتقل کردیا گیا ہے۔
بینک نے امداد کی فراہمی پر عالمی برادری کا شکریہ ادا کرتے ہوئے کہا کہ بینکاری کے ذریعے لوگوں کو امداد کی فراہمی سہولت اور شفافیت پیدا کرتی ہے۔ اس قسط سے قبل پیر کو بھی انسانی امداد کے طور پر افغان مرکزی بینک کو 3 کروڑ 20 لاکھ امریکی ڈالرز کی قسط موصول ہوئی تھی۔
