اسلام آباد: پاکستان مسلم لیگ ن کے رہنما حنیف عباسی نے معاون خصوصی برائے وزیر اعظم کے عہدے سے استعفیٰ دے دیا۔
مسلم لیگ (ن) کے رہنما حنیف عباسی نے وزیراعظم کے معاون خصوصی کے عہدے سے مستعفی ہونے کی تصدیق کردی ہے۔
حنیف عباسی نے اعتماد کیے جانے پر وزیراعظم کا شکریہ ادا کرتے ہوئے کہا کہ کسی عہدے کے بغیر بھی عوام کی خدمت کرسکتا ہوں۔
واضح رہےکہ حنیف عباسی کو وزیراعظم نے 27 اپریل کو معاون خصوصی مقررکیا تھا، سابق وزیر داخلہ شیخ رشید نے حنیف عباسی کو وزیراعظم کا معاون خصوصی بنائے جانے کو عدالت میں چیلنج کر رکھا ہے اور عدالت میں سماعت جاری ہے۔
چیف جسٹس اسلام آباد ہائیکورٹ کا کہنا تھا کہ امید ہے آئندہ سماعت تک حنیف عباسی عوامی عہدہ استعمال نہیں کریں گے۔
