بھارت میں پیغمبر اسلام کے بارے میں متنازع بیان پر احتجاج

بھارت کی حکمران جماعت بھارتیہ جنتا پارٹی (بی جے پی) کے دو رہنماؤں نوپور شرما اور نوین کمار کی جانب سے پیغمبر اسلام کے بارے میں دیے گئے متنازع بیانات پر بھارت کے دارالحکومت نئی دہلی سمیت مختلف شہروں میں جمعے کو بھی احتجاج کیا گیا ہے۔ احتجاج کے دوران مظاہرین نے پلے کارڈ اور بینرز اٹھا رکھے تھے اور وہ پیغمبر اسلام سے اپنی محبت کا اظہار کر رہے تھے۔ مظاہرین نے مطالبہ کیا کہ ان دونوں رہنماؤں کو گرفتار کر کے ان کے خلاف کارروائی کی جائے۔ دہلی، ممبئی، احمد آباد اور بھارت کے زیرِانتظام کشمیر میں ہونے والے احتجاج کی تصاویر دیکھیے اس پکچر گیلری میں۔