روس نے اطلاع دی ہے کہ متحدہ امریکہ کے ساتھ طول پکڑنے والا سائبر تصادم حقیق دنیا میں جنگ کی چنگاری کو جنم دے سکتا ہے۔
روس کے اعلیٰ سفارت کار آندرے کرتسکخ نے رپورٹ کیا ہے کہ دونوں ممالک نے مجازی اشتعال انگیزی کا جواب دینے کا عہد کیا ہے اور سائبر دنیا میں امریکہ کے ساتھ بگڑتا ہوا تنازعہ دونوں طاقتوں کے درمیان حقیقی عالمی جنگ چھیڑ سکتا ہے۔
واشنگٹن اور ماسکو طویل عرصے سے اس بات سے انکارکر رہے ہیں کہ وہ ایک دوسرے کے خلاف بدنیتی پر مبنی سائبر سرگرمیوں میں ملوث ہیں لیکن امریکی سائبر کمانڈ کے ڈائریکٹر جنرل پال ناکاسون نے گزشتہ ہفتے ایک انٹرویو میں اس بات کی تصدیق کی تھی کہ پینٹاگون کی سائبر برانچ تمام تر سپیکڑم میں مختلف قسم کی سائبر سرگرمیوں میں ملوث ہے۔
سینیئر امریکی فوجی اہلکار کے تبصرے کے چند دن بعد، معلومات کی حفاظت کے شعبے میں تعاون کے لیے روس کے خصوصی ایلچی، آندرے کرتسِخ نے، اخبار کومرسانت سے انٹرویو میں، امریکہ پر روس اور اس کے اتحادیوں کے خلاف سائبر جارحیت شروع کرنے کا الزام عائد کیا ہے۔
دوسری جانب روسی وزارت خارجہ کا کہنا ہے کہ "یقین رکھیں، روس کسی بھی جارحانہ اقدام کو بلا جواب نہیں چھوڑے گا۔”
کرتسخ نے مزید کہا کہ "مغرب کی طرف سے معلومات کو عسکریت پسندی اور اسے بین الریاستی تنازعات کے میدان میں تبدیل کرنے کی کوششوں نے غیر متوقع نتائج کے ساتھ براہ راست فوجی تصادم کے خطرے کو بہت بڑھا دیا ہے۔”
