وزیر قومی دفاع حلوصی آقار نے یونان کے ساتھ تعلقات کے بارے میں بیان دیتے ہوئے کہا ہے کہ مثبت ایجنڈے پر توجہ مرکوز کرنے اور تناؤ کو کم کرنے سے دو طرفہ تعلقات اور علاقائی تعلقات کو فروغ دینے میں مدد ملے گی۔
حلوصی آقار نے نیٹو کے وزرائے دفاع کے اجلاس کے بعد صحافیوں کے سوالات کے دیتے ہوئے کہا کہ انہوں نے نیٹو ہیڈ کوارٹر میں یونان کے وزیر دفاع سے ملاقات کی، یونان اور ترکی کے درمیان حالیہ کشیدگی کے حوالے سے پوچھے گئے سوال پر ترکی نے اپنے پڑوسیوں کے ساتھ امن، خوشحالی اور امن کے ساتھ رہنے کی خواہش کا اظہار کیا ہے ۔
انہوں نے کہا کہ ہم موجودہ مسائل کے حل کے لیے کمیونی کیشن کے تمام دروازوں کو کھلا رکھنے کی ضرورت ہے ۔ انہوں نے کہا کہ ایک مثبت ایجنڈے پر توجہ مرکوز کرنے اور تناؤ کو کم کرنے سے دو طرفہ تعلقات اور علاقائی تعاون دونوں میں مدد ملے گی۔
نیٹو پارلیمانی اسمبلی (NATO PA) پولیٹیکل کمیشن اور بحیرہ روم اور مشرق وسطی کے بارے میں خصوصی گروپ کے مشترکہ اجلاس میں یونانی ناراکینِ پالرلیمنٹ کے ساتھ تناؤ سے متعلق سوال کا جواب دیتے ہوئے وزیر دفاع آقار نے کہا کہ ہم نے کسی کو مشتعل کیے بغیر انتہائی منتخب، شائستہ، سفارتی زبان میں بریفنگ دی۔ ہماری بریفنگ کا خلاصہ یہ تھا: کیا ترکی اور یونان کے درمیان کوئی مسئلہ ہے؟ اسے کیسے حل کیا جائے ؟ صرف مذاکرات ہی سے حل کیے جاسکتے ہیں ۔ علاوہ ازیں اعتماد سازی کے اقدامات پر مشاورت بھی ہوئی ہے۔
دوسری طرف انہوں نے اپنے بے بنیاد سوالات اور تبصروں سے میٹنگ کو بے مقصد بنانے کی کوشش کی ہے۔
