سرینگر: مقبوضہ کشمیرمیں بھارتی فورسز نے ریاستی دہشتگردی کا مظاہرہ کرتے ہوئے مزید تین نوجوانوں کو شہید کردیا۔
کشمیر میڈیا سروس کے مطابق قابض بھارتی فوجیوں نے کپواڑہ میں نام نہاد سیکورٹی آپریشن کی آڑ میں دو نوجوانوں کو شہید کردیا ہے۔
دوسری جانب پلواما میں چادر اورچار دیواری کے تقدس کی دھجیاں اڑاتے ہوئے گھر میں گھس کر فائرنگ کردی جس کے نتیجے میں ایک نوجوان شہید ہوگیا۔
قابض بھارتی فوجیوں نے نام نہاد آپریشن کے دوران متعدد گھروں کو بھی نقصان پہنچایا۔ کپواڑہ، پلواما اور نواحی علاقوں میں موبائل اور انٹرنیٹ سروس بند کردی گئی ہے۔
بھارتی فوج نے نام نہاد سرچ آپریشن کے دوران 10 نوجوانوں کو شہید کردیا ہے۔
