تحریک انصاف کے رہنما حماد اظہر نے کہا ہے کہ اگلے ماہ سے مہنگائی کا مزید سیلاب لانے پر امپورٹڈ حکومت گھٹنے ٹیک چکی ہے۔
حماد اظہر نے کہا کہ مہنگائی پیکج پر حکومت اور آئی ایم ایف کی بات چیت جاری ہے، اگلے ماہ سے بیروزگاری اور مزید مہنگائی کا سیلاب لانے پر امپورٹڈ حکومت گھٹنے ٹیک چکی ہے۔
انہوں نے مزید کہا کہ عوام کو ملک کی قیادت کا چناؤ کرنے سے روکنے کے لئے ہر حربہ استعمال ہو گا، امپورٹڈ حکومت پہلے کہتے تھی کہ تیل کی قیمتوں پر تحریک انصاف حکومت IMF سے معاہدہ کر گئی تھی۔
رہنما پی ٹی آئی کا کہنا تھا کہ حکومت اب کہہ رہی ہے کہ پاکستان میں تیل کی قیمتوں کا IMF سے کوئی تعلق نہیں۔ ان کی اپنی زبان سے ہی سچ نکل آیا۔
