جمہوریہ کونگو کے مشرقی علاقوں میں 23 اپریل سے شروع ہونےو الی ایبولا کی 14ویں لہر اپنے انجام کو پہنچ گئی ہے۔
عالمی ادارہ صحت کی جانب سے جاری کردہ اعلامیہ میں واضح کیا گیا ہے کہ ملک کے صوبے ایکواٹور میں 23 اپریل کو منظر عام پر آنے والے ایبولا کے پہلے مریض کے بعد زور پکڑنے والی 14 ویں لہر کا خاتمہ ہو گیا ہے۔
ادارے کی کسوٹیوں کے مطابق وبا کے خاتمے کا اعلان کرنے کے لیے خطے میں 42 دنوں تک کسی نئے کیس کا تعین نہ ہونا لازمی ہے۔
ایبولا وائرس، جو کہ ہیمرجک بخار کی ایک قسم کا سبب بنتا ہے، پہلی بار 1976 میں سوڈانی شہروں نظارا اور جمہوریہ کونگو کے یامبوکو میں بیک وقت وبا کی شکل میں نمودار ہوا تھا۔ دریائے ایبولا کے جوار میں واقع ایک گاوں میں اس بیماری کے پہلی بار منظر عام پر آنے کے باعث اسے ایبولا نام سے منسوب کیا گیا تھا۔
دسمبر 2013 میں یہ وائرس مغربی افریقہ میں پھیل گیا تھا، گینے، لائبیریا اور سییرا لیون میں 2014 تا 2017 کے درمیانی عرصے میں 30 ہزار افراد اس وائرس میں مبتلا ہوئے تھے اور 11 ہزار سے زائد مریض جان کی بازی ہار گئے تھے۔
