یورپی یونین روسی گیس کے مقابل آذری گیس کی ترسیل کو دو گنا بڑھانے پر غور کر رہی ہے۔
آذربائیجان میں موجود یورپی کمیشن کی صدر ارسلا وان ڈرلین نے سوشل میڈیا پرگیس کی ترسیل کے حوالے سے بتایا کہ آج آذربائیجان کے ساتھ توانائی کے موضوع پر ایک معاہدہ طے ہونے کا امکان ہے،یورپ ایک محفوظ توانائی کی ترسیل کا انتخاب کرنا چاہتا ہے۔
وان ڈرلین کا کہنا تھا کہ چند سال کے اندر آذربائیجان سے ہم گیس کی ترسیل دو گنا بڑھا دیں گے اور ہم امید کرتے ہیں کہ آذربائیجان اس حوالے سے ہمارا ایک اہم اتحادی بن جائےگا۔
اس دورے میں وان ڈر لین کے ہمراہ یورپی کمیشن کے امور توانائی کے مشیر قادری سمسون شامل ہیں۔
