اسلام آباد: نومنتخب وزیراعلیٰ پنجاب چودھری پرویز الہی نے عدالتی فیصلہ آتے ہی تحریک انصاف کے چیئرمین عمران خا ن کو ٹیلی فون کیا۔
چیئرمین تحریک انصاف عمران خان نے عدالت عظمیٰ کی جانب سے فیصلہ سامنے آنے پرچوہدری پرویز الہیٰ کو مبارک باد دی،اس دوران چودھری پرویز الہی نے انہیں حلف لینے بارے بھی آگاہ کیا۔
دوسری جانب مسلم لیگ ق کا وفد سابق وزیراعظم عمران خان سے ملاقات کے لیے بنی گالہ پہنچا، مونس الہیٰ کی قیادت میں مسلم لیگ ق کے وفد نے ملاقات کی،جس میں دونوں جانب سے ایک دوسرے کو سپریم کورٹ کے فیصلے پرمبارک باد دی۔
