اسلام آباد: چیئرمین تحریک انصاف عمران خان نے کہا ہے کہ اپوزیشن لیڈر حلیم عادل شیخ پر ظلم اور گرفتاری کی شدید مذمت کرتے ہیں سندھ حکومت کا اقدام سراسر فاشزم ہے۔
سماجی رابطے کی ویب سائٹ ٹوئٹر پر ٹویٹ کرتے ہوئےعمران خان نے کہا کہ آصف زرداری اور شریف مافیا جنہیں خرید نہیں سکتے انہیں ایسے ہی ختم کرتے ہیں، زرداری اور شریف مافیاز کا یہ انداز جمہوریت میں ناقابل قبول ہے۔
سندھ حکومت کی جانب سے سندھ میں قائدِ حزب اختلاف حلیم عادل شیخ کی گرفتاری و ایذارسانی کی شدید مذمت کرتا ہوں۔ یہ نری فسطائیت ہے جس سے زرداری و شریف مافیاز کی یہ ذہنیت جھلکتی ہے کہ جسے خرید نہ سکو اسے مٹا دو۔ ایک جمہوری سماج میں یہ ہتھکنڈے قطعی طور پر ناقابلِ قبول ہیں۔
— Imran Khan (@ImranKhanPTI) July 28, 2022
ان کا مزید کہنا تھا کہ حکومت پنجاب جنوبی پنجاب اور میانیوالی میں سیلاب متاثرہ لوگوں کی امداد کرے ، خیبرپختونخوا حکومت کو بھی بلوچستان کے متاثرہ علاقوں میں امداد کی ہدایت کی ہے ۔
