کراچی: ڈالر کے مقابلے میں روپے کی قدر میں مسلسل تیسرے دن بہتری کا سلسلہ جاری رہا اور انٹربینک مارکیٹ میں ڈالر کے مقابلے میں روپیہ بہتری کے بعد 238 روپے تک پہنچ گیا۔
فاریکس ایسوسی ایشن آف پاکستان کے مطابق کل 238.84 پر روپے کے بند ہونے کے بعد مقامی کرنسی میں 84 پیسے کا اضافہ ہوا۔ مجموعی طور پر جمعہ سے لے کر اب تک انٹربینک مارکیٹ میں روپے کی قدر میں تقریباً 2 روپے کا اضافہ ہوا، جمعہ کو اس میں 57 پیسے کا اضافہ ہوا اور اس کے بعد کاروباری ہفتے کے پہلے دن ابتدائی سیشن میں 53 پیسے کا اضافہ ہوا تھا۔اس سے پہلے مقامی کرنسی 16 جولائی سے مسلسل گراوٹ کا شکار تھی۔
