صدر رجب طیب ایردوان کی زیر قیادت اعلی عسکری شوری کے ارکان نے مزارت اتاترک پر حاضری دی ۔
ایردوان نے مزار پر موجود ایک یادگاری کتاب میں اپنے تاثرات قلمبند کرتے ہوئے لکھا کہ محترم و عزیزم اتاترک، آج شوری ارکان سالانہ اجلاس سے قبل آپ کے حضور موجود ہیں،ذات اعلی اور دیگر تمام شہدا کےلیے ہم دعائے مغفرت کرتےہوئے امید کرتے ہیں کہ یہ اجلاس وطن عزیز کےلیے باعث برکت ثابت ہو۔ حکومت ترکی اس موجودہ شورش زدہ دور میں خطے میں امن و استحکام کے قیام میں مصروف ہے۔
صدر نے مزید لکھا کہ بہادر ترک فوج اپنی ذمہ داریاں خوش اسلوبی ،جانفشانی اور جذبہ حب الوطنی کے تحت اندرون اور بیرون ملک ادا کر رہی ہے۔
