وزیر خارجہ بلاول بھٹو زرداری نے کہا ہے کہ جبری طور پر مذہب کی تبدیلی کی نہ تو ہمارا اسلام اجازت دیتا ہے اور نہ پاکستان کا آئین، ہمیں اس ظلم کو روکنے کیلئے مل کر قانون سازی کرنی چاہیے۔
وزیر خارجہ بلاول بھٹو زرداری نے کہا کہ پاکستان میں رہنے والے ہر انسان کے یکساں سماجی، معاشی و سیاسی حقوق ہیں۔ ہمیں قائداعظم کا پاکستان بنانے کے لئے عملی اقدامات کرنے چاہیں۔
ان کا کہنا تھا کہ ہمارے اقدامات سے ظاہر ہوگا کہ ہم مساوات پر مبنی پاکستان چاہتے ہیں۔ مذہب کی جبری تبدیلی کی اسلام اور آئین اجازت نہیں دیتا۔ اقلیتوں کو کوٹہ کے مطابق نمائندگی ملنی چاہیے۔ہمیں قانون سازی کے ساتھ ساتھ عملدرآمد یقینی بنانا ہوگا۔
So much hope in @BBhuttoZardari who rises to stress upon Parliament all political parties to come together to legislate on #ForcedConversion! Our biggest human rights concern whose decision-making was relinquished to HR abusers in the same Parliament under PTI Govt. pic.twitter.com/BgE7XqSALc
— Sukhdev (@SukhdevHemnani_) August 11, 2022
دستور ساز اسمبلی کی ڈائمنڈ جوبلی تقریبات کے سلسلے میں قومی اسمبلی ہال میں منعقد ہونے والے اقلیتی کنونشن سے خطاب کرتے ہوئے وزیر خارجہ نے کہا کہ قومی اسمبلی میں یہ دن منانے کا موقع فراہم کرنا اچھا اقدام ہے۔ پاکستان میں رہنے والے ہر انسان کے یکساں سماجی، معاشی وسیاسی حقوق ہیں۔ یہ ہمارے آئین و قانون اورمنشور کا حصہ ہے۔یہ دن ہر سال منانے کا فیصلہ ہمارے دور حکومت میں کیا گیا۔
بلاول بھٹو کا کہنا تھا کہ ہمیں اپنے عوام کے حقوق کو تحفظ فراہم کرنے کے لئے عملی اقدامات کرنے چاہیں۔ ہم تمام اقلیتوں کو نمائندگی دیتے ہیں۔ ہم مخصوص نشستوں کے علاوہ جنرل نشستوں پر بھی اقلیتوں کو نمائندگی دیتے ہیں۔
انہوں نے کہا کہ پیپلزپارٹی نے شہباز بھٹی، کرشنا کوہلی کو نمائندگی دی، سندھ کابینہ میں غیر مسلم پاکستانیوں کو نمائندگی حاصل ہے، عوام کو سماجی، سیاسی و معاشی مساوات پر مبنی نمائندگی کے لئے ہمیں اقدامات کرنا ہوں گے، یہ شہید ذوالفقار علی بھٹو اور شہید بے نظیر بھٹو کا وعدہ تھا جو ہم پورا کریں گے۔
