مظفرآباد: صدر مسلم لیگ ن آزادکشمیر شاہ غلام قادر آج نیلم کا دورہ کرینگے۔
کارکنان کی جانب سے استقبالیہ تیاریاں مکمل،مسلم لیگ ن کی صدارت ملنے کے بعد شاہ غلام قادر کا اپنے حلقہ انتخاب کا یہ پہلا دورہ ہوگا۔
استقبال کے حوالے سے کارکنان میں جوش وخرش ،ماربل سے ایک بڑے قافلے کی صورت میں ضلعی ہیڈکوارٹر اٹھمقام میں لایا جائے گا۔
کارکنان نے اپنے قائد کا والہانہ استقبال کرنے کیلئے ماربل سے لیکر تائوبٹ تک جگہ جگہ کارکنان نے استقبالیہ کیمپ لگا دئیے ہیں اورنیلم ویلی بھر میں جگہ جگہ خیرمقدمی بینرز آویزں کر دئیے گئے ہیں قافلہ آج دن دس بجے مظفرآباد سے نیلم کی جانب روانہ ہوگا ،گیارہ بجے دن ماربل کے مقام پر کارکنان کی جانب سے استقبال کیا جائے گا ۔
