کراچی: سابق گورنر سندھ عمران اسماعیل نے کہا ہے کہ کے الیکٹرک سفید ہاتھی بن چکا ہے ، اپنا قبلہ درست کرے۔سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں سابق گورنر سندھ عمران اسماعیل نے کراچی میں جاری بدترین لوڈشیڈنگ اور اوور بلنگ کی مذمت کی ہے۔
جاری کردہ ٹوئٹ پیغام میں عمران اسماعیل لکھتے ہیں کہ کے الیکٹرک سفید ہاتھی بن چکا ہے، کراچی کی اضافی بجلی بند کرکے رائیونڈ محل اور بلاول ہائوس آباد کیا گیا۔
انہوں نے کہا کہ کراچی کے حقوق کی بات کرنے والے ایک وزارت پر کراچی سے لاتعلقی کرگئے ہیں، کے الیکٹرک فوری اپنا قبلہ درست کرے۔
