ریاض: عمرے کے لیے مکہ جاتے ہوئے ٹریفک حادثے میں 2 عمانی شہری جاں بحق ہوگئے۔
نجی ٹی وی کے مطابق ریاض میں عمانی سفارتخانے کی جانب سے اپنے 2 شہریوں کی موت کی تصدیق کردی گئی ہےجب کہ ہلال احمر مکہ کے مطابق حادثہ بس اور ٹرک کے درمیان تصادم کے نتیجے میں پیش آیا۔
حادثے میں 18 افراد زخمی بھی ہوئے۔ زخمیوں کو مزید علاج کے لیے اسپتال منتقل کردیا گیا ہے۔ذرائع کے مطابق کچھ افراد معمولی زخمی ہیں جبکہ کچھ افراد کو گہرے زخم آئے ہیں۔
عمانی سفارتخانے کا کہنا ہے بس میں سوار تمام افراد عمانی شہری تھے جب کہ جاں بحق ہونے والے شہریوں کی نعشوں کو عمان منتقل کرنے کے لیے قانونی کاروائی کا آغاز کردیا گیا ہے۔
