سوات میں سیلاب سے سینکڑوں مکان اور درجنوں ہوٹلز تباہ

خیبر پختونخوا کے علاقے سوات میں سیلاب اور لینڈ سلائیڈنگ سے 15افراد جاں بحق اور درجنوں مکان و ہوٹلز تباہ ہو گئے ہیں۔

ضلعی انتظامیہ کے مطابق سوات میں سیلاب سے 130کلومیٹر کی سڑکیں تباہ ہوگئیں جبکہ 15رابطہ پل مکمل یا جزوی طور پر تباہ ہو گئےہیں،سیلابی ریلے سے 100سے زائد مکانات اور دیگر عمارتیں تباہ ہوئیں جبکہ 50کیقریب ہوٹلز تباہ ہو گئے ہیں۔

سیلابی ریلے سے کالام میں دریا کنارے بنے ہوٹل تباہ و برباد ہوگئے، بحرین میں بھی سیلابی ریلا راستے میں آنے والی ہر شے تنکوں کی طرح بہا لے گیا ہے۔

سوات میں درجنوں درخت جڑ سے اکھڑ گئے، گلیاں اور سڑکیں دریا کا منظر پیش کرنے لگیں، گاڑیوں کو بھی سیلابی ریلا اپنے ساتھ لے گیا جبکہ سوات کا سب سے بڑا ایوب برج بھی بند ہو گیا ہے۔