کراچی:شہر قائد کے بجلی صارفین کے لیے اچھی خبر ہے کہ نیپرا نے بجلی کی فی یونٹ قیمت میں 3.63 روپے فی یونٹ کی کمی منظور کرلی ہے۔
میڈیا رپورٹس کے مطابق بجلی کی قیمت میں کمی جولائی کی ماہانہ فیول ایڈجسٹمنٹ کی مد میں کی گئی ہے۔ اس کمی کا اطلاق کے الیکٹرک کے لائف لائن صارفین پر نہیں ہوگا۔
مزید پڑھیں : کے الیکٹرک کی نیپرا کو بجلی سستی کرنے کی تجویز
چیئرمین نیپرا توصیف ایچ فاروقی نے کہا کہ ہمارے پاس تو اور اطلاعات ہیں، جولائی میں تو بہت لوڈشیڈنگ ہوئی تھی، ہم کے الیکٹرک کے صارفین سے پوچھتے ہیں۔
کے الیکٹرک حکام کا کہنا ہے کہ جولائی کے فیول پرائس ایڈجسٹمنٹ سے صارفین کو 6 ارب 24 کروڑ روپے کا ریلیف ملے گا۔
ذرائع کے مطابق نیپرا اس سلسلے میں تفصیلی فیصلہ بعد میں جاری کرے گی۔
