شمالی شام میں اسد انتظامیہ کے زیر کنٹرول حلب کے مشرق میں واقع ایک ہوائی اڈے اور دمشق پر اسرائیل نے حملے کیے ہیں۔
اسد انتظامیہ کی زیر نگرانی خبر ایجنسی SANA کے مطابق، مقامی وقت کے مطابق شب آٹھ بجے حلب کے ہوائی اڈے اور شب نو بج کر 18 منٹ پر جنوب مشرقی دمشق کے بعض مقامات پر اسرائیل کی جانب سے فضائی حملے کیے گئے ہیں۔
بتایا گیا ہے کہ حلب کے ہوائی اڈے کو کافی نقصان پہنچا ہے جبکہ دمشق پر ہوئے حملوں کے دوران شامی فضائی دفاعی نظام نے ان میزائلوں میں سے چند کو تباہ کرنے کا بھی دعوی کیا ہے ۔
واضح رہے کہ دمشق اور حلب میں اسد نواز فوج کے علاوہ ایرانی نواز غیر ملکی دہشتگرد گروپس اور حزب اللہ کی عسکری شاخیں بھی موجود ہیں۔
دوسری جانب اسرائیل کی طرف سے ان حملوں سے متعلق کسی قسم کا بیان سامنے نہیں آیا ہے۔
اسرائیلی اکثر و بیشتر شام میں موجود ایرانی نواز گروہوں اور فوجی ٹھکانوں کو نشانہ بناتا رہتاہے۔
