آسٹریلیا اور نیوزی لینڈ نے برطانوی ملکہ الزبتھ دوئم کے انتقال کے بعد اب شاہ چارلس سوئم سے وفاداری کا عہد کیا ہے۔
آسٹریلیا اور نیوزی لنڈ میں منعقدہ سرکاری تقریبات کے دوران چارلس سوئم کو دونوں ملکوں کا فرماں روا قرار دیا گیا ۔
آسٹریلوی گورنر ڈیوڈ ہرلی نے کینبرا میں منعقدہ تقریب کے دوران کہا کہ حکومت نے شاہ چارلس سوئم سے وفاداری کا عہد کیا ہے بعد ازاں شاہ برطانیہ کو 21 توپوں کی سلامی بھی پیش کی گئی۔
وزیراعظم انتھونی البانیس نے 22 ستمبر کو یوم سوگ اور سرکااری تعطیل کا اعلان کیا ہے۔
نیوزی لینڈ نے بھی شاہ چارلس سوئم کی تخت نشینی کے موقع پر پارلیمان میں ایک خصوصی تقریب منعقد کی جس سے قبل وزیراعظم جیسینڈا آرڈرن نے چارلس سوئم کو ملک کا فرماں روا اعلان کیا ۔
واضح رہے کہ مرحومہ ملکہ برطانیہ الزبتھ دوئم کینیڈا،آسٹریلیا ،نیوزی لینڈ اور کریبیئن جزائر سمیت بحر اوقیانوس کے 16 ممالک کی سربراہ رہ چکی تھیں۔
