وفاقی وزیر دفاع خواجہ آصف نے کہا ہے کہ موجودہ تناظر میں پنجاب میں حکومت کی تبدیلی سے ملک میں سیاسی استحکام آئے گا۔
ڈان ٹی وی کے شو میں گفتگو کرتے ہوئے انہوں نے ان خبروں کی تصدیق کی کہ مرکزی حکومت صوبہ پنجاب میں حکومت تبدیل کرنے کے لئے سرگرم ہے۔ ان کا کہنا تھا کہ ہمارے پاس پنجاب میں حکومت تبدیل کرنے کا آپشن شروع سے موجود ہے اور مناسب وقت آنے پر ہم اسے استعمال کریں گے۔
وزیرِ دفاع کا کہنا تھا کہ پنجاب میں ہم سیاسی طور پر تبدیلی لانے کی کوشش کر رہے ہیں اور اس تبدیلی سے ملک میں موجود غیر یقینی صورت حال کا خاتمہ ہو جائے گا۔
ایک سوال کے جواب میں انہوں نے کہا کہ نئے آرمی چیف کی تعیناتی تمام سیاسی جماعتوں اور پاک فوج سے مشاورت کے بعد عمل میں لائی جائے گی۔ انہوں نے یہ بھی کہا کہ وہ سیاست میں مائنس ون فارمولے کے حق میں نہیں ہیں۔
