اسلام آباد میں صحافی ایاز امیر کے بیٹے شاہنواز کے خلاف بیوی کے قتل کا مقدمہ درج کر لیا گیا، ایس ایچ او تھانہ شہزاد ٹاؤن کی مدعیت میں ملزم شاہنواز کے خلاف مقدمہ درج کیا گیا ہے۔
درج کی گئی ایف آئی آر میں بتایا گیا ہے کہ پولیس کو ملزم کی ماں نے قتل سے متعلق آگاہ کیا۔ ایف آئی آر کے مطابق ملزم کی والدہ کا کہنا تھا کہ ملزم کا اہلیہ سارہ انعام سے جھگڑا ہوا تھا، جس پر ملزم نے اسے ڈمبل مار کر قتل کردیا۔
تھانہ شہزاد ٹاؤن کے علاقہ چک شہزاد میں قتل کی واردات کا معاملہ۔
شاہ نواز نامی شخص نے اپنی بیوی سارہ کو گھر میں قتل کیا۔
پولیس کے سینئر افسران اور فارنزک ٹیمیں موقع پر موجود ہیں۔
وقوعہ کی تفتیش جاری ہے اور جو بھی حقائق سامنے آئیں گے وہ شئیر کئے جائیں گے۔#ICTP #IGP
— Islamabad Police (@ICT_Police) September 23, 2022
ایف آئی آر میں کہا گیا ہے کہ جھگڑے کے دوران ملزم نے بیوی کو ڈمبل کے وار کرکے قتل کیا تھا جس کا ملزم نے پولیس کے سامنے اعتراف بھی کر لیا ہے۔
ایف آئی آر کے مطابق ملزم نے نشاندہی کرتے ہوئے اپنے گھر کے باتھ ٹب سے مقتولہ کی لاش برآمد کرائی۔
پولیس کی جانب سے ایف آئی آر میں کہا گیا ہے کہ مقتولہ کے سر پر زخم کے نشانات تھے۔
درج ایف آئی آر کے مطابق ملزم نے باتھ ٹب سے مقتولہ کی لاش برآمد کرائی، جس کے سر پر زخم کے نشانات تھے۔ جب کہ آلہ قتل بھی ملزم کے بیڈ روم سے برآمد کرلیا گیا ہے۔ آلہ قتل پر مقتولہ کا خون اور سر کے بال بھی لگے ہوئے تھے۔ 37 سالہ سارہ انعام کی لاش کو ضروری کارروائی کیلئے پمز اسپتال منتقل کردیا گیا ہے۔
واضح رہے کہ گزشتہ روز 23 ستمبر بروز جمعہ اسلام آباد کے علاقے چک شہزاد میں سینیر صحافی ایاز امیر کے بیٹے نے اہلیہ کو قتل کر دیا تھا۔
#BREAKING: Senior Journalist Ayaz Amir’s daughter in law killed in Chak Shehzad. It is another high profile murder like Noor Mukaddam’s killing in heart of Islamabad. Story is developing….
— Zahid Gishkori (@ZahidGishkori) September 23, 2022
اسلام آباد پولیس کے ترجمان کے مطابق ایاز امیر کے بیٹے شاہ نواز نے اپنی بیوی سارہ کو گھر میں قتل کیا تھا۔ بیٹے کے ہاتھوں بہو کے قتل کے واقعے کے حوالے سے سینیر صحافی ایاز امیر نے کہا تھا کہ ایسا واقعہ کسی کے ساتھ پیش نہ آئے، یہ صدمہ کسی کو اٹھانا نہ پڑے۔
