اسلام آباد: وفاقی وزیر برائے منصوبہ بندی احسن اقبال نے کہا ہے کہ بہت جلد مہنگائی میں کمی آئے گی۔
احسن اقبال نے کہا کہ ہم عدالت کے فیصلوں کا احترام کرتے ہیں، موجودہ معاشی حالات کے تناظر میں نظرثانی کی درخواست بھی دائر کریں گے، عدالت جو بھی فیصلہ کرے قبول ہوگا، عدالت کے رویے سے ہر شہری کو مطمئن ہونا چاہیے۔
انہوں نے کہا کہ اسحاق ڈار کے آنے سے معاشی صورتحال میں بہتری آئے گی، ان کے پاکستان پہنچتے ہی روپے کی قدر بہتر ہونا شروع ہو گئی، مہنگائی کی موجودہ صورتحال کی وجہ عمران حکومت کے آئی ایم ایف سے کئے گئے معاہدے ہیں۔
صحافی کے مہنگائی سے متعلق کئے گئے سوال پر احسن اقبال نے کہا کہ یقینا مہنگائی میں کمی آئے گی۔
