لاہور:تحریک انصاف کے رہنما حماد اظہر نے کہا ہے کہ ہمارے لانگ مارچ سے کسی کو مشکل نہیں ہوگی بلکہ یہ عوام کی بھلائی کے لیے ہے۔
حماد اظہر زمان پارک پہنچے جہاں انہوں نے میڈیا سے گفتگو کرتے ہوئے کہا کہ لاہور سے لاکھوں لوگ نکلیں گے، صرف ہمارے لوگ نہیں بلکہ دوسرے لوگ بھی نکلیں گے۔
پی ٹی آئی رہنما نے کہا کہ یہ لانگ مارچ نہیں ہوگا پاکستان میں تبدیلی آنے جارہی ہے، عمران خان نے بروقت فیصلہ کیا ہے۔
حماد اظہر نے مزید کہا کہ ہمارے اتحادی وزیر اعلیٰ ہمارے ساتھ ہیں اور ہم سے تعاون کر رہے ہیں، میری عوام سے اپیل ہے کہ کوئی بھی گھر نہ رہے، ہماری تحریک کو 100 سال بعد بھی سکولوں میں پڑھایا جائے گا۔
