لانگ مارچ کے لئے پاکستان تحریک انصاف نے حکمت عملی تیار کرلی ہے۔ ذرائع کا کہنا ہے کہ عمران خان کی جانب سے پارٹی قیادت کو ہدایت جاری کردی۔ تحریک انصاف کے ہر ایم پی اے کو اپنے حلقے سے اوسط پانچ ہزار لوگ لانے کی ہدایت کی گئی ہے۔ اسی طرح جنوبی پنجاب سے ستر ہزار سے 1 لاکھ لوگ اکھٹے کرنے کی ہدایت کی گئی ہے۔
لانگ مارچ میں علیحدہ ٹائیگر فورس بھی بنائی گئی ہے ٹائیگر فورس میں نوجوان کارکنان کو شامل کیا گیا ہے، ان کا کام مزاحمت کی صورتحال کا مقابلہ کرنا ہوگا۔ٹائیگر فورس بچوں اور عورتوں کے لئے ڈھال کا کردار ادا کرے گی۔عمران خان کی جانب سے کارکنان کو پر امن رہنے کی ہدایت اورکسی بھی قسم کا انتشار پھلانے سے منع کیا گیا ہے۔
