وزیراعظم شہباز شریف 7 اور 8 نومبر کو شرم الشیخ میں اقوام متحدہ کی موسمیاتی تبدیلی کی 27 ویں کانفرنس (کوپ 27) کے سربراہی اجلاس میں شرکت کے لیے کل دورہ مصر پر روانہ ہوں گے۔
خبر رساں ادارے کی رپورٹ کے مطابق وزیراعظم شہباز شریف کے ساتھ وزیر خارجہ بلاول بھٹو زرداری سمیت کابینہ کے دیگر ارکان اور اعلیٰ حکام کا وفد کانفرنس میں شرکت کرےگا، اقوام متحدہ کی موسمیاتی تبدیلی کانفرنس (کوپ 27) مصر میں منعقد کی جائے گی۔
مصر کی زیر صدارت ہونے والے کوپ 27 کے اجلاس میں وزیراعظم شہباز شریف کانفرنس کے شریک صدر ہوں گے۔
مصری صدر اور کوپ 27 کے چیئرمین عبدالفتاح السیسی نے وزیر اعظم شہباز شریف کو ناروے کے وزیر اعظم کے ہمراہ گول میز کانفرنس کی شریک صدارت کی دعوت دی ہے۔
On 7-8 November during #COP27, the Sharm El Sheikh #Climate Implementation Summit will provide a platform of the highest level with a view of creating the much needed political momentum unity around #climateaction at a difficult moment for the globe.#TogetherForImplementation pic.twitter.com/WEEkFBMw8e
— COP27 (@COP27P) November 5, 2022
